• We encounter Christ at Mass in the Bread and Wine
  • Everyone is welcome for Mass - even the Children.
  • Ours is a Church of Love, Peace and Hope.
  • Our Church is a universal Church. It is the Catholic Church.
  • Our People Trek Long Distances to come for Mass
  • And once at Mass, we dance and praise our Lord Jesus
  • We Worship and Adore Him for He alone is God.
  • During Mass, we also offer our gifts to God in thanksgiving
  • We sing and shout for the Lord for He set us free. Alleluia!!
  • Our Diocese is led by Our Bishop - Rt.Rev Bihsop Callist
  • Assisted by committed, determined and faithful Priests
  • We are inspired by the Uganda Martyrs - Our Heroes!
  • During mass, everyone participates- even the Children.
  • Our Motto and Prayer - "Father, May Your Kingdom Come."

 


Home Social Services Katekisimu

Introduction to Katekisimu

EKIGYENDERERWA KY’EKITABO KYA KATEKISMU EKI

Ekigyendererwa kikuru ky’okuhandika Katekisimu egi n’okwegyesa abaana n’abantu bakuru eby’amabanga n’amazima ebi Yezu Kristu yaayegyeise. Nitushuururira abaana entekateeka ya Ruhanga y’okucungura omuntu eyaahikiirizibwe omuri Kristu. N’ahabw’ekyo Katekisimu egi neeyegyesa Yezu Kristu nzima, enyegyesa ye n’ebyamazima ebikusike ebi buri mukristu ashemereire kwikiriza (CT.6). N’ebindi byona ebirikwegyesibwa nabyo nibikwata ahari Kristu. Katekisimu egyi ehandikirwe okuhwera abaana n’abantu bakuru okumanya, okusherura n’okukunda Kristu okuukkiridde obwengye bw’omuntu.

Katekisimu egi ehandikirwe kugira ngu Kabale Diocese egire enyegyesa emwe (Syllabus) n’ebyegyeso bitebeekaniisibwe buri rurengo rw’abarikutebeekanibwa omu kutunga eisakramentu rya Batiisimu, Ukaristia, Konfirmansio n’okweyaturira ediini.

KATEKISIMU Y’ABARIKWANJURWA OMU DIINI

Katekisimu egi ehandikirwe okutebeekanisa abaana abarikuza kutunga eisakramentu rya Batiisimu, Konfirmansio na Ukaristia omurundi gw’okubanza. Aga n’amasakramentu g’okutendekwa omuby’amagara g’obukristu n’okwakiirwa omu diini n’omu ntaama za Kristu. Eki nikyo kitumire Katekisimu egi yaaheebwa omutwe ogurikugira ngu “Katekisimu y’abarikutebeekaniisibwa omu Diini Katolika”.

ENSENGEKA YA KATEKISIMU EGI

Omu kushoma Katekisimu egi, nituza okwetegyereza obumwe bw’amabanga ga Ruhanga nk’aga: Okwenda kutucungura, obukuru bwa Yezu Kristu, Omwana omwe wa Ruhanga, owaayoherezibwe Patri akahinduka Omuntu omunda ya Maria Oshugaine ahabw’amaani ga Mutima Orikwera, okuba omucunguzi waitu. Obu yaafa akazooka, Kristu arinaitwe buriijo omu Klezia, namunomuno omu masakramentu; niwe ntandikiroy’okwikiriza kwaitu, niwe twegyeraho engyesho nungi kandi atwegyesa okweshengyereza (Enturukiriro ya CCC. 24).

Eibangary’okucungurwa kwaitu rigumiire omuntu okwetegyereza omurundi gumwe munomuno abaana bato. N’ahabw’ekyo Katekisimu egi neetebeekanisa omwana okwetegyereza mporampora eibanga eri okurugiirira aha myaka ye, obwo naakura omukwikiriza n’okumanya ebirikuruga ahari Ruhanga.

Eibanga eri niturikuza omu masakramentu agatuha amagara masya omuri Kristu, gakatuhamya omukwikiriza kwaitu. Amasakramentu g’okutendeka omuntu omu diini nigatandika na Batiisimu (Eriigura orwigi rw’okwikiriza), gakuratwa erya Konfirmansio reero gahenderwa na Ukaristia. Omu Eitware rya Kabale, amasakramentu aga nigaheebwa gakurataine gati: Batiisimu niyo erikubanza, ekuratwa Ukaristia reero hahereruka na Konfirmansio.

Katekisimu egi etebeekaniisibwe okurugiirira oku amasakramentu ago garikukuratana.

Ekicweka ky’okubanza kirimu ebyegyeso by’ab’okubatiza n’okuzaara abaana omuri Batiisimu.

Ekicweka kya kabiri kirimu ebyegyeso by’abaana abarikutebeekanisibwa okutunga Ukaristia omurundi gw’okubanza. Abaana abo nibatebeekaniisibwa okumara haakiri omwaka gumwe. Tibashemereire kuba abari ahasi y’emyaka mushanju. Bashemereire kuba bari omu kibiina (class) kya kabiri, ekya kashatu n’ekya kana.

Ekicweka ka kashatu kirimu ebyegyeso byabarikutebeekaniisibwa okutunga eisakramentu rya Konfirmansio. Nibyesibwa emyaka ebiri aha baana batari ahasi y’emyaka mwenda kandi bari omu kibiina (class) kya kataano n’ekya mukaaga

Omu kicweka kya kana harimu ebyegyeso by’abarikutebeekanisibwa okweyaturira ediini. Abaana abo bashemereire kuba baatungire Konfirmansio kandi bahikize emyaka ikumi n’okweyongyereyo. Bashemereire kuba bari omu kibiina (class) kya mukaaga okugaruza ahaiguru.

Joomla Templates and Joomla Extensions by JoomlaVision.Com